Втора средба "Креирање Визија за регионот" во склоп на на пограничниот проект ‘‘Градење на интернационална конкурентност на текстилните компании во пограничниот регион МК-БГ‘‘, (08/09 април 2017, Ќустендил)
Во рамките на пограничниот проект ‘‘Градење на интернационална конкурентност на текстилните компании во пограничниот регион МК-БГ‘‘ по програмата за прекугранична соработка меѓу Македонија и Бугарија, на 08 и 09 април 2017 година во Ќустендил, беше одржана втората работилница и работна сесија на која учествуваа текстилни компании-членки на здружението „Браншова организация за текстил и облекло” - Бугарија и текстилните компании - членки на "ТТЗ-Текстилен кластер - Македонија.
Работилницата на тема "Креирање Визија за регионот" се одржа како продолжение на првата работилница која беше одржана во Штип на 11 и 12 март 2017. Предавачи на обуката повторно беа експертите од компанијата УМФ Тренинг. На оваа работилница предавачите продолжија да работат на креирање на Регионалната визија за регионот, преку идентификување на мислењата на претставниците на учесниците - текстилните компании од Македонија и Бугарија за моменталната состојба во секторот во пограничниот регион, разговарање за проблемите со кои се соочуваат, како го замислуваат и како пограничниот регион сакаат да биде виден и препознаен од страна на локалната популација, бизнис секторот и националните и интернационалните партнери, и сл.
Експертите заедно со учесниците ги издефинираа "Regional points of difference", точки кои укажуваат на спецификите на регионот со кој тој се разликува од останатите и кои ќе дадат насоки како истиот да се презентира на пазарите.
На членовите и на оваа работилница беше презентиран и формираниот Одбор за регионален развој (RDB), составен од претставници од двете здруженија и претставници на текстилните компании од македонска и бугарска страна.
